Никогаш не треба да помислите дека има нешто погрешно, во Вас.

Понекогаш сѐ што ни треба е чаша добро кафе и некој што ќе го подели со нас. Некој кој ќе ви го разубави денот само со еден поглед и оној кој ќе ве чека цела вечер само за да  поминете едно заедничко утро. И многу често таа личност е многу поблиску отколку што очекувате, но додека Вие ја барате во непреспиените ноќи и залудно исплаканите солзи, таа се крие под маската на палаво дете кое секогаш знае да ве насмее и за момент да Ве направи да заборавите на секој проблем што сте го имале.
И во одреден момент во животот ќе сфатите дека луѓето секогаш ќе имаат нешто да кажат за вас. Тие секогаш ќе најдат нешто кое ќе го искористат против Вас. И ако нема, ќе измислат. Тоа што треба да го сфатите од ова е дека никогаш, ама баш НИКОГАШ не треба да помислите дека има нешто погрешно во Вас. Ако некогаш си го поставите ова прашање само запрашајте се зошто секогаш пробувате да барате проблем во себе? Луѓето секогаш ќе пробуваат да ве уништат, колку и да сте успешни. Врвот на вашиот успех ќе биде моментот кога ќе сте горди на тоа што сте и на  никого нема да му ја дадете моќта да ве уништи. Бидете свои. На крајот тоа е единственото вредно нешто. Вие.

Ана Митреска